Balafirên dewleta Tirk a dagirker bi şev bombe li navendên Hêzên Ewlekariya Hundirîn ên li gundê Koçerat ê navçeya Dêrikê ya Kantona Qamişloyê barandin.

Di daxuyaniya Hêzên Ewlekariya Hundirîn de hate ragihandin ku komek ji endamên wan şehîd bûne û hinek birîndar bûne. Hate ragihandin ku agahiyên berfireh wê piştre bêne dayin.

Li Şehbayê jî navçeya Til Rifetê û gundên Eyn Deqnê û Semûqa, li Şêrawayê jî gundê Soxaneke bi şev hatin bombekirin. Li gundê Soxaneke nuqteyeke hêzên hikumeta Şamê heye. Têkildarî encama bombardûmanê agahî bi dest neketin.