Yekîtiya Ereb wê Şemiyê bi rengekî lezgîn kom bibe
Piştî ku dewleta Tirk li dijî Kurdan dest bi êrîşa dagirkeriyê kir, Yekîtiya Ereb biryar wergirt ku Şemiyê bi rengekî lezgîn kom bibe.
Alîkarê Sekreterê Giştî yê Yekîtiya Ereb Hûsam Zakî daxuyaniyeke nivîskî weşand û diyar kir, "Bi daxwaza Misrê wê Wezîrên Karên Derve yên Yekîtiya Ereb di 12'ê Cotmehê de ji bo nirxandina êrîşa Tirk a li dijî xaka Sûriyeyê li Qahîreyê kom bibin."
Zakî destnîşan kir ku dagirkeriya Tirk binpêkirina hiqûqa navneteweyî ye û êrîşeke ku li dijî dewleteke endamê wan hatiye kirin, lewma nayê qebûlkirin.
