Solîn Xelîl di nameya xwe de ya ji bo kekê xwe nivîsî, çalakgerên greva birçîbûnê hemû silav kir û bang li saziyên navneteweyî kir ku bêyî tiştek bi berxwedêran were, berpirsyariyên xwe bi cih bîne.

Solîn di nameya xwe de wiha dibêje: "Ez xwişka Şiyar im. Ji bajarê Dêrika Hemko yê Rojavayê Kurdistanê silavên xwe ji Şiyar û çalakgerên greva birçîbûnê hemûyan re dişînim. Her kesên ku daxwaza aştiyê û mafên mirovan dikin, divê piştgiriyê bide berxwedêrên greva birçîbûnê. Pêwîste bibin destek ji bo daxwazên çalakgerên greva birçîbûnê bi cih werin anîn û hevdîtin bi Serok Apo re bê kirin. Rewşa Leyla Guven û Nasir Yagiz giran dibe û li ber mirinê ne. Bang li civaka navneteweyî dikim. Li pêşberî daxwazên çalakgerên greva birçîbûnê bêdeng nemînin, xwedî lê derkevin. Em berxwedêrên greva birçîbûnê pîroz dikin."