Xiristiyanên Iraqê ku li Iraqê di bin tehdîda DAIŞ’ê de ne, ji bo parastina xwe ketin rêxistibûnê. Asuriyên ku di xeta şer a DAIŞ û Pêşmergeyan de cih digirin bi derfetên xwe bi çekên girtine parastina xwe dikin.

Xiristiyanên li bajaroka Alqoş a nêzî bajarê Duhokê dijîn ji bo parastina xwe bikin xwe rêxistin dikin. Radyoya Dengê Elman (DW) li bajaroka Alqoş Asuriyên çek girtine di cih de şopand.

Li Tel Îskof a nêzî Alqoşê, tenê nuqteya kontrolê ya pêşmergeyan heye. Di rewşa ku êrîşek pêk bê de ewlehiya bajarokê dîsa ji gel re dimîne. Tevgera Demokratîk a Asurî jî li dijî îhtîmala ku di êrîşê de Peşmerge vekişin bi derfetên xwe çekan didin gel.

2 HEZAR KES JI BO ŞER AMADE NE

Hejmara şervanên ku bi pêşengiya Tevgera Demokratîk a Asurî de tên rêxistinkirin ji niha ve nêzî sedî heye û hejmara dildaran jî nêzî 2 hezarî ye. Li gel hewldanên Tevgera Demokratîk a Asuriyan, Asurî bi xwe jî pêwîstiya xwe ya çekan çareser dikin. Asuriyên bi armanca axa xwe ji DAIŞ’ê biparêzin, amade ne.

Yekîneyên girêdayî tevgera Asurî li navçeya Alqoş û derdora wê dewriyê digerin û bi şev jî nobetê digirin.

BI KESÎ BAWER NAKIN

Peywirdarê Dêra Saînt George, Wadah Sabîh ji DW’ê re axivî û got: “Di 2003’an hejmara Xiristiyanên Iraqê nêzî milyonek û nîv bû. Îro nêzî 400 hezarî ye. Artêşa Iraqê jî li dijî DAIŞ’ê bê bandor maye. Zehmetek e ku em jî li dijî DAIŞ’ê bimînin.

Nûnerê Tevgera Demokratîk a Asurî Yakup Yago jî got ku piştî êrîşên DAIŞ’ê yên li hember Şengalê yekîneyên parastina xwe ava kirine û ji bo Êzîdiyan dema mijar dibe parastin li Sîncarê bi kesî bawer nakin.

Siyasetmedarên Xiristiyan jî ji DW’ê re axivîn û diyar kir li gel Xiristiyanan, Êzîdî jî xwe diparêzin û ji bo gel xwe li dijî DAIŞ’ê biparêze divê perwerdeya leşkerî çekan û koordîneyê bibînin.