Parlementerê HDP’ê yê Mêrsînê Ridvan Tûran li Desteya Giştî ya Meclîsê derbarê qanûna înfazê axivî.

Tûran diyar kir ku saziya darizandinê bi qesrê re hatiye girêdan û got ku “We ewlekarî û edaleta hilbijartinê tune kir, we parlementer û şaredar xistin girtîgehan. We bi hincetên beredayî gelek rojnameger girtin. Ji bo we dozê siyasî bûne dozên nefretê. Du roj in kî tweetan dinivîse û we rexne dike, hûn wan terorîst îlan dikin. “

Tûran diyar kir ku li girtîgehan 400 girtiyên nexweş hene û got ku “Sabrî Kaya ligel ku krîza dil derbas kir, sê caran di navbera girtîgeh û nexweşxaneyê de diçe û tê. Mehmet Koç 47 salî ye, bi penceşerê ketiye, vê qanûna we, wê nehêle ku ev kes werin berdan.  Mehmet Emîn Ozkanê 85 salî 25 sal in di girtîgehê de ye û hê jî nayê berdan.”