59. rûniştina doza 'KCK'ê ya 97 jê girtî 175 siyasetmedarên Kurd tê de tên darizandin, 6. Dadgeha Cezayên Giran a Amedê destpê kir. 

97 jê girtî 175 siyasetmedarên Kurd ên di nav de parlamenter, şaredar û parêzvanên mafên mirovan hene, ku bi operasyoneke di bin navê 'KCK'ê de hatin girtin, li 6. Dadgeha Cezayên Giran a Amedê di rûniştina 59. de tên darizandin. 

Di rûniştina dozê de li gel parlementer Selma Irmak û Şaredara Dêrikê Çaglar Demîrel, 17 jê girtî, yek jî ne girtî 18 siyasetmedarên Kurd amade bûn û 80 jî ji ber xwedî rapor in beşdarî rûniştinê nebûn.

Di rûniştinê de li gel parêzerên dozê hejmarek zêde ya xizmên siyasetmedarên Kurd amade bûn.. Rûniştina dozê bi delîlên rûniştgeha endamê Komîsyona Rêveberiyên Herêmî ya DTP’a hat girtin Turan Genç dewam dike.