Serokê Hikûmeta Yekîtiya Netewî ya bi navenda Libyayê Fayiz El Sarac ji rojnameya Italî La Repubbblîca re axivî, got hêzên Heftar sûc dikin.  Sarac got,''Êdî ez ê bi Heftar re neyêm ser masê.''

Halê hazir li Libyayê du desthilat hene. Hikûmeta Yekîtiya Netewî bi navenda Trablûsê ye û rejîma Tirk destekê dide wan. Bêhtir Birayên Misilman di vê hikûmetê de xurt in. Rejîma Tirk bi rengekî aşkere ambargoya çekan a Konseya Ewlehiyê ya NY'yê binpê kir, çek, cebilxane, wesayitên zirxî, drone şand û her wiha gelek çeteyên ku li Sûriyê û Başûrê Kurdistanê perwerde kirî şande Trablûsê.

Hikûmeta dî jî li rojhilatê welêt bi navenda Tobrûkê ava bûye. Di kontrola hêzên Helîfe Heftar de ye. Mîrektiyên Ereb ên Yekbûyî û Rûsya destekê didine wan.