Polîsên Tirk danê vê sibehê avêtin ser mala hunermend Ferhat Tûnç.

Tûnç bi rêya twîtterê ev agahî da: "Polîs li ber deriyê mala min e û dibêjin, biryar heye ku min bi zorê bibin. Halbûkî, kengî bang li min kirin ez çûme."

EW BIRIN EDLIYEYÊ

Li gorî agahiyên gihîştin ber dest, li ser giliyê wekîlê AKP'ê yê Mêrdînê Orhan Mîroglû, ji ber lêpirsîna bi sûcdariya 'heqaretê' Ferhat Tûnç birine Dozgeriya Buyukçekmeceyê.

Twîtta Ferhat Tûnç, ku Orhan Mîroglû yê AKP'yî weke 'heqaret' a li xwe dît, bi vî rengî ye: "Nivîsên vî kesê bûye tetîkkêşê Qesrê, mehdê mirovan li hev dixîne. Kurdan di dîroka xwe de gelekî ji destê van CAŞ'an kişandine."