Li Êlihê, Baro, ÎHD û Platforma Hilbijartinê ya Serbixwe, tevî erka çavdêriyê ya ji Desteya Hilbijartinê ya Bilind wergirtî, polîs bi îdîaya "destûra we hat betalkirin" wan asteng dikin. Der barê mijarê de Maseya Krêzê ya HDP'ê bi Desteya Hilbijartinê re hevdîtinan dike.

Baroya Êlihê li ser mijarê daxuyaniyek da û got, "Belgeya çavdêriyê ya ji rêveberên me yên baroyê re hatiye dayîn, bi biryareke duyemîn re ji wan hatiye stendin. Lê belê em dixwazin ji raya giştî re ragihînin ku em ê mafên Qanûna Parêzeriyê dide Baroya me, ji bo ewlekariya hilbijartinê bikar bînin."