Cîgirê Serokê Koma BDP'ê Îdrîs Balûken, piştî ku helîkoptereke Sûriyê bi sedema sînor binpê kiriye ji aliyê dewleta Tirk ve hat xistin pêşniyar pirsek pêşkêşî Parlamentê kir û pirsa "Di çarçoveya pîvanên angajman ên nû yên hatine guhertin de, protokoleke veşartî û taybet a ji bo komên ser bi El Qaîdeyê heye yan na?" kir.

Cîgirê Serokê Koma BDP'ê û Parlamenterê Çewlikê Îdrîs Balûken, der barê binpêkirina sînor de ji bo Wezîrê Karên Derve Ahmet Davûtoglû bersivê bide pêşniyar pirsek pêşkêş kir.

Balûken pirsî ka protokoleke Tikriyê ya taybet û veşartî ya ji bo komên ser bi El Qaîdeyê heye yan na, burokrasiyeke taybet a derbasbûna van koman ji sînor hêsan dike tê meşandin yan na.

Balûken ev pirs li Davûtoglû kir:

- Di çarçoveya pîvanên angajman ên nû yên hatine guhertin de, protokoleke Tirkiyê ya taybet û veşartî ji bo komên ser bi El Qaîdeyê heye yan na?

- Çûn û hatina milîtanên El Nûsra û Dewleta Îslamî ya Iraq/Şamê binpêkirina sînore yan na? Eger ev yek weke binpêkirina sînor tê dîtin, hingî li dijî van pêkanînek heye yan na?

- Ji aliyê Wezareta we ve, der barê derbasbûna ji sînorê Sûriyê de, dê daxuyaniyeke berfireh a ji bo agahdarkirina raya giştî bê dayîn yan na? Der heqê van bûyerên li ser sînor de, di rojeva Wezareta we de ti rûniştekek taybet a li meclîsê heye ku partiyên siyasî yên komên wan hene, agahdar bike?

- Di rewşeke ku ji bo derbasbûna alîkariya însanî ewçend astengiyên burokratîk heye de, gelo ji bo endamên rêxistinên ser bi El Qaîdeyê bi hêsanî sînor derbas bikin, burokrasiyeke taybet û ji raya giştî tê veşartin, tê bikaranîn?