Piştî ku 18 girtiyên ji doza PKK'ê ji girtîgeha Tipa M ya Çewlikê fîrar kirin, êrîş û tundiya li ser girtiyan zêde bû. Li Girtîgeha Girtî ya Jinan a Gebze koxûş bi dehan caran hatin lêgerîn.

Li gorî zanyariyên ku hatine bi dest xistin, piştî bûyera fîrarê ya Çewlikê, li girtîgeha Girtî a Jinan ya Gebze koxûşên ku girtiyên siyasî lê diman lêgerînên ‘rewşa awarte’ hatin kirin. Girtiyan bi rêya malbatên xwe diyarkirin ku bi dehan caran koxûş û tiştên wan hatine lêgerîn kirin û wezîfedarên li girtîgehê bi nêzîkatiyên hişktir nêzî wan dibin.