Rayedarê ku nikarîbû bersiva windakirin û kuştinên sivîl ên bi destê dewleta Tirk pêk hatiye bida, di tevahî parastina xwe de bi bîr dixist ku NATO û YE, PKK wek rêxistinek ‘terorî’ qebûl kirine.

33. Rûniştinên Meha Îlonê ya Mafên Mirovan a NY di roja 3’yemîn de bi nirxandin û parastinên kuştî û qetlîamên li welatan didome. Di rûniştinê de Komîserê Payebilind ê Mafên Mirovan ê NY Zeyd Raad el Huseyîn axaftina destpêkê kir û têkîldarî înfazên bê daraz û windakirinên li Tirkiyeyê hin daxuyanî dan.

PARASTINA ‘MIN NEKIR WAN KIR’

Tirkiye têkîldarî mijarê parastina xwe kir, îdîa kir ku berpirsê tevahî kuştin û binpêkirinên mafên mirovan ên li welêt PKK’e ye û li gor parastinên welatên din parastinek derasayî kir.

Nûner ê ku li ser navê dewleta Tirk axivî, di parastinê de got dewleta Tirk li dijî PKK’ê têdikoşe, îdîa kir ku tekane berpirsê mirinên sivîl PKK’e ye û welat kir mijara henekan. Nûner, çalakiyên PKK’ê bi bîr xist, behsa ti qetlîamên ku DAÎŞ’ê li welêt pêk aniye nekir û careke din eşkere kir ku dewleta Tirk hevkariyê bi DAÎŞ’ê re dike.

NIKARÎBÛN BERSIVÊ BIDIN ÎDÎAYÊN NY

Rayedar ê ku kuştinên bi dest dewleta Tirk û DAÎŞ’ê pêk hatiye ji nedîtî hat û li gor welatên din parastinek derasayî kir, ti bersiv neda wan pirsan ku dewleta Tirk têkîldarî kuştinên sivîl tê sûcdarkirin.

Rayedarê Tirk ti parastinên şênber neda rapora Komîserê Payebilind ê Mafên Mirovan ê NY Zeyd Raad el Huseyîn ku têkîldarî kuştinên sivîlan hatibû amadekirin, her bi bîr xist ku PKK’e di ‘lîsteya terorê’ de ye.

Nûner her wiha îdîayên xwe dawî lê nanî û got dewleta Tirk heta dawiyê bi mafên bingehîn ên mirovan girêdayiye, li ser gotina NY a “Belge di dest me de hene ku li Tirkiyeyê windahî û înfazên bêdaraz çêdibin” jî bersivek somût neda û bêyî zanebûn rastiya îdîayan qebûl kir.