Girtina nexweş Nurcan Bakir, ku ev 28 sal bûn girtî bû û piştî greva birçîbûnê ji Girtîgeha Girtî ya Jinan a Gebzeyê mişextî Girtîgeha Burhaniyê kirin, bi mebesta ku zext û zordariyan şermezar  bike dawî li jiyana xwe anî.

Malbatê cenazeyê Bakir ji Morga Tiba Edlî ya Bûrsayê stand û ji bo ku bi cih bike anî goristana li taxa Heciya ya Mehsertê ya Mêrdînê.

Bi hezaran kes li taxa Heciyan darbesta Bakir pêşwazî kir, darbest li milê xwe kirin û bi dirûşmeyan gotin,''Bijî berxwedana jinan'' û heta bi goristanê birin.

Hevseroka Mêrdînê ya HDP'ê Perîhan Agaoglu li ser cenaze axivî û got, ''Serê me jinan bilind e. Tiştên ku heval Nurcan kirin, hê di zaroktiyê de dest bi têkoşînê kir û ev ê ji bo me bibe ronkahî. Rêya wê, mîrateya ku wê li hiştî em ê bidomînin.''

Malbatê diyar kir ew ê konê sersaxiyê li Edene deynin.