Di ‘Konê Çareseriyê’ yê bi armanca  pêvajoya vekişînê ya gerîllayên HPG’ê bişopîne li gundê Engesor ê Tatwanê hatibû vedan de nobet ji aliyê pêkhateyên KESK’ê ve hat dewrgirtin.

Ber bi saetên sibehê bi konvoyeke bi dehan maşîneyan endamên pêkhateyên KESK’ê yên wek SES, BES, Egîtîm-SEN, BTS ve Tumbel-SEN nêzî 300 kes hatin konê çareseriyê û nobet dewr girtin. Komeke  KESK’î li ber kon daxuyaniyeke çapemeniyê dan. Di daxuyaniya ku ji aliyê Sekreterê Şaxa Egîtîm-SEN Fatîh Işik ve hat xwendin de hat destnîşan kirin ku pêwîst e firsenda Rêberê Gelê Kurd Abdullah Ocalan ava kiriye vala neçe û peyama aştiyeke mayîn da.  

Di daxuyaniyê de hat gotin ku Birêz Ocalan gotiye 'em derbasî qonaxa duyemîn bûne' û di qonaxa duyemîn de wezîfe û berpirsiyartiya herî zêde dikeve ser mile dewletê. Û hat destnîşankirin ku divê dewlet tavilê di xala ku wê guhertinên qanûnî bike de îradeyê nişan bide û gavên pratîkî biavêje.

Daxuyanî bi dirûşmayên “Bijî Azadî” bi dawî bû.