Çalakiya 'Nobeda azadî ji Ocalan re' ku hefteya derbasbûyî 8 sal li pey xwe hişt, bi biryardarî didome. Heman hefteyê rêveberên saziyên Kurdan ên li Ewropayê ji bo azadiya Ocalan nobed girtibûn.

Nobedarên vê hefteyê jî komek ji çar kesan a ji bajarê Dûîsbûrg ê Elmanyayê ye. Kom ji Kurdistaniyên bi navê Dirêj Semsûr, Karaman Çelîkay, Mehmet Akyol û Mahmût Demîr pêk tê.

Bi navê komê daxuyaniyek hate dayin û hate destnîşankirin ku çalakî bi baweriya bi azadiya Ocalan di sala 9'an de jî bi biryardarî didome. Endamên komê bang li welatparêzên Kurd ên li Ewropayê kirin û gotin, "Divê em xwedî li têkoşîna xwe, li şehîdan û Rêber Apo derkevin."

Nobeda 'Azadî ji Ocalan re' 25'ê Hezîrana 2012'an dest pê kir û li qada li pêşberî Dadgeha Mafên Mirovan a Ewropayê, Parlamenta Ewropayê, Komîteya Pêşîgirtina li Êşkenceyê ya Konseya Ewropayê pêk tê.