Meşa li dijî komployê dest pê kir: Azadî ji Ocalan re
Meşa protestoyî ya li dijî komploya navneteweyî ya 15'ê Sibatê dest pê kir. Meş bi pêşengiya 70 enternasyonalîstên ji 15 welatan dewam dike.
BI DÎMEN
Kurdistanî û dostên wan ên li Ewropayê dijîn, ji bo komploya navneteweyî ya 15'ê Sibatê şermezar bikin, li ber Gara Trenê ya Navendî ya bajarê Strasboûrg ê Fransayê li hev civiyan.
Meşa mezin a Kurdistaniyan, li pişt pankarta bi nivîsa "Azadî ji Ocalan re, statu ji Kurdistanê re" dest pê kir.
Zêdeyî 70 enternasyonalîstên ji Luksembûrgê meşiyan Strasboûrgê û ciwanên Meşa Dirêj li refên pêş ên meşê cih digirin. Çalakger posterên Rêberê Gelê Kurd Abdullah Ocalan, alên PKK, KCK, YPG-YPJ'ê hildigirin.
Dirûşma "Azadî ji Ocalan re, statu ji Kurdistanê re" li nava kolanên Strasboûrgê deng vedide.
