Senator Pierre Laurent di peyama xwe de ji bo gelê Kurd, xebatkar û hilbijartiyên HDP'ê got, "We gelek serokên şaredariyan ji nû ve hilbijartin û Stenbol û Enqere jî di nav de li bajarên mezin di têkbirina Erdogan de pareke we ya girîng çêbû. Li welatê ku Erdogan mafên jinan ewqasî kêm kiriye, bi saya we jin ji bo serokatiya şaredariyan hatin hilbijartin. 55 ji 57 şaredarên jin ji HDP'ê ne. Di vê hilbijartinê de bi saya we, bi saya helwesta bi berpirsyarî ya Selahattîn Demîrtaş ê girtî sîleyek li Erdogan ket. Tevî girtin, tasfiye û zilmê jî vê stratejiyê bersiva xwe dît. Hûn bi wêrekî tevgeriyan û bi ser ketin.

Niha jî dixwazim bang li hêzên demokratîk ên Fransayê bikim; divê ev serketina ku hêzên demokratîk ên Kurd û Tirk bi dest xistine bê bikaranîn. Abdullah Ocalan jî di nav de ji bo bidawîkirina tecrîdkirina girtiyên siyasî divê piştgirî ji çalakgerên greva birçîbûnê yên li girtîgehan û yên li Strasbourgê re bê dayin, divê piştgiriya bi van hêzan re were xurtkirin. Ji bo serketina ku di hilbijartinên şaredariyê yên roja Yekşemê de hate bidestxistin were domandin, em vê piştevaniyê bi hev re mezin bikin."