Kurdistanî û dostên wan ên li Sydneyê dijîn bi wesîleya Roja Efrînê ya Cîhanê meşiyan. Saziyên sivîl ên civakî, nûnerên partiyên siyasî, sendîka û Kurdistanî tevlî meşê bûn.

Kurdistanî li Hyde Parkê hatin ba hev û heta Qada Opera Houseyê meşiyan.

Di meşê de êrîşên dewleta Tirk ên li ser Efrînê hate protestokirin. Di çalakiyê de li ser navê Komîteya Amadekar ê meşê Brusk Aeviverî axivî.

Di axaftinê de hate diyarkirin ku divê hikumeta Avustralyayê têkiliya xwe ya bi Erdoğan re bide sekinandin û divê ji bo Efrînê gavan biavêje.