Li bajarê Kobanê vekirina Dibisatanên zimanê Kurdî bi derfetên herî kêm di 26ê gulana 2011’an de, bi vekirina dibistan Şehîd Osman dest pêkir, Dibistana biçûk ji 2 ode û çend mamosteyan pêk hat. Piştre Dibistana Şehîd Heqî û dibistana Şehîd Mezlûm ku roleke mezin di fêrkirina zimanê Kurdî de lîst.

li Kobanê Sê dibistanên ku hatin vekirin bûn bingeha avakirina Saziya Zimanê Kurdî (SZK) ku di 10 ê tîrmeha 2012’an de navenda xwe vekir.

SZK' kar û barên xwe li navenda Çand û Huner ya Baqî Xido birêve dibê. Hijimara endamên saziyê gihiştiye 200 kesî, 154 ji wan dersên zimaê kurdî li ser sê astan didin, asta destpêkê, rêzimana Kurdî û dîroka toreya Kurdî.

Saziya Zimanê Kurdî (SZK), li 10 gundan şaxên xwe vekirin û li 200 dibistanî dersên zimanê kurdî tên dayîn.

Di vê salê de li kobanê û gundên wê 1200 şagirtî bawernameyên xwe girtine, herweha 17 hezar şagirt tevlî ezmûna zimanê Kurdî bûne.

SZK'ê li Kobanê 2 endamên xwe tevlî Komîteya Amadekirina Rêbazên Fêrbûnê ya Rojava kirine. Herweha SZK’ê li Kobanê amadekariyên avakirina Akademiyên ziman û peymangehên mamosteyan dike. Ji bo rêbazeke fêrbûnê ya hevbeş li tevahî Rojavayê Kurdistanê were bi cihkirin wê bi Desteya Bilind a Kurd re têkevê têkiliyan.