Li bajarê Lîmasol ê Qibrisê, Komploya Navnetewî ya 9’ê Cotmehê ya li dijî Rêberê Gelê Kurd Abdullah Ocalan bi meşekê hate protestokirin.

Girseya gel ku li Navenda Çanda Kurd a Lîmasolê li hev civiyan û di bin pêşengtiya jinan de meşek li dar xistin. Di meşa ku heta ber avahiya Şaredariyê, posterên Ocalan hatin rakirin û bê navber dirûşmeyên ‘Bijî Serok Apo’, ‘Ji Ocalan re azadî’, ‘Tirkiyeya  faşîst’ û ‘Em komployê şermezar dikin’ hatin berzkirin.

Li ser navê girseya gel Berdevka Meclîsa Jinan Dîlan Tanrikûlû daxuyaniya çapemeniyê xwend û got “Em ê komployê tine bikin û Rêbertiya xwe azad bikin. Li Rojhilata Navîn tekane çareserî manîfestoya Rêbertiya me ye.”