Li Parîsê komunîstên ji Fransayê û jinên Kurd civiyan
Alîkara Şaredarê Parîsê Helene Bîdard û nûnerên Tevgera Jinên Kurd li hev civiyan û qala têkoşîna jinan û zextên li ser Kurdan kirin.
Partiya Komunîst a Fransayê (PCF) û Tevgera Jinên Kurd a Fransayê (TJK-F) li kafeyekê civiyan û qala siyaseta Kurdan û Tevgera Jinên Kurd kirin.
Alîkara Şaredarê Parîsê Helene Bîdard û Berdevka Tevgera Jinên Kurd Bêrîvan Firan di civînê de axivîn.
Di civînê de li ser greva birçîbûnê ya ku parlementera HDP’ê Leyla Guven pêşengiya wê dike, li ser 3 jinên siyasetmedar Sakîne Cansiz, Leyla Şaylemez û Fîdan Dogan ên ku di sala 2013’an de li Parîsê hatibûn qetilkirin, Akademiyên Jineolojiyê û Gundê Jinwarê hate sekinandin.
Bêrîvan Firat qala siyaseta Kurdan, têkoşîna jinên Kurd û qala rewşa Rêberê Gelê Kurd Abdullah Ocalan kir ê ku agahî jê nayê stendin.
Bîrard jî qala qetilkirina sê jinên siyasetmedar kir û got: “Ev qetlîam hê jî nehatiye ronîkirin û ev qetlîameke li ser jinan e.”
Hier soir #nuitdesdebats j étais dans le #14eArrondissement @Paris pour un débat et une rencontre avec le @MouvementTJK_F . Certaines en grève de la faim, toutes en luttes contres les violences. Un moment passionnant de partage sur les manifestations internationales des femmes ! pic.twitter.com/tM6eBP1hAt
— Hélène Bidard (@Helenebidard) December 8, 2018
Bîrard qala serdana xwe ya di sala 2015’an de ya ber bi Bakurê Kurdistanê kir û got: “Li wê derê pergala hevserokatiyê heye lê ev pergal li nav şaredariyên Fransayê û di nav partiya me tuneye.”
Bîrard bal kişand ser vî tiştî ku ew xwedî li greva birçîbûnê derdikeve ya ku Kurdan li Parîsê dane destpêkirin.
