Li bajarê Elmanya Kîelê, xebatên HDP'yiyan ên ji bo hilbijartinên pêşwext ên 1'ê Mijdarê didomin.

Di çarçoveya amadekariyên hilbijartinê de Navenda Civaka Demokratîk a Kurd, DÎDF, MLKP û SKB li Komeleya Elewiyan civiyan û bi avakirina komîsyonên hilbijartinê re dest bi xebatên xwe kirin. Pêkhateyên Yekîtiya Hêzê ya Demokratîk, dest bi qeydkirina hilbijêran kirin. Ji bo qeyda bi lez û bez, komîte hatin avakirin û plan hat derxistin.

'KES Û DERDORÊN ME XWE NEGIHANDINÊ WÊ NEMÎNE'

Di civînê de kêmasiyên di xebatên hilbijartinê yên 7'ê Hezîranê de derketin holê hatin nirxandin û komîsyonên xurt ên xwe bigihêjînin gelek derdoran hatin plankirin. Her wiha biryar hat girtin ku li herêma Schleswîg Holsteînê xebateke berfireh were meşandin, ku kes û derdorên xwe negihandine, nemîne.