Li Îdirê, bi hinceta tevlî çalakiya şermezarkirina êrîşên DAIŞ'ê yên li hemberî Kobanê bûye, kesekî lê dihat gerîn hat girtin. Di serdegirtinên malan de jî 2 kes hatin binçavkirin.

Li Îdirê, welatiyê bi navê Agît Yelbakan ku bi hinceta tevlî çalakiyên protestokirina DAIŞ'ê bûye der heqê wî de biryara girtinê hatibû dayîn, hat binçavkirin û radestî Edliyeya Îdirê hat kirin. Dozgeriyê ji bo girtinê ew radestî dadgehê kir û dadgehê Yelbakan girt û şand Girtîgeha girtî ya Îdirê.

Li aliyê din, polîsan duh bi şev avêtin ser hin malên li taxên Emek û Karaagaç ên navenda Îdirê. Di operasyonan de Firat Bozkûrt (18) û Erşan Bozkûrt (19) hatin binçavkirin.

Hat ragihandin, ku binçavkirî li Midûriyeta Emniyetê ya Îdirê tên ragirtin.