Komîsyona Girtîgehan a Şaxa Komeleya Mafên Mirovan (ÎHD) ya Enqereyê rapora mafên mirovan ên li Girtîgeha Herêma Anatoliya Navîn ên meha Nîsan, Gulan û Hezîranê li komeleya xwe bi raya giştî re par ve kir. Di civînê de endama Desteya Rêveber a Navendî ya ÎHD'ê Nûray Çevîrmen, rapor xwend û diyar kir ku rapor ji geşedanên li Girtîgeha Tîpa F a Bolûyê, Tîpa T a Dînarê, Tîpa 2-T a Bunyana Qeyseriyê, Tîpa F a Hacilar a Kirikkale, Girtîgehên Tîpa T ên Sîncan û Tokat'ê yên Jinan pêk tên. Çevîrmen, anî ziman ku wan rapor ji daneyên parêzer, malbat û endamên komîsyonê ku li girtîgehan hevdîtin pêk hatiye û nameyên ku girtiyan ji wan re şandine kom kirine û bi raya giştî re par ve dikin.

GIRTÎGEHA TÎPA T Û F A BOLÛYÊ:

*Girtî Abdulvahap Kavak ku pêwist e bê emeliyatkirin, lê nayê emeliyatkirin. Li gorî nexweşiya wî xwarin nayê dayîn. Nodulên di sala 2010'an de di qirika wî de çêbûne 7 sal şûnde agahdar bûne.

* Girtî Haci Ekincî 6 meh in nikare ji mafê xwe yê telefonê sûdê bistîne. Li ser wan tekmîlê ferz dikin. Dayika wî ya 70 salî bi Tirkî nizane. Lê dîsa nav û paşnav dixwaze û piştre nûmarê.

* Girtî Nûrûllah Semo ji Girtîgeha Tîpa F a Kiriklarê ya Îzmîrê, di Adarê de devê wî girtîn û bêyî destûr bidin cilê xwe biguhere ew birin Girtîgeha Bolûyê. Piştre ew di lêgerîna tazî re derbas kirin. Hemû alavên wî tev li hev kirine û zerar dane alavên wî û heqaret lê kirine. Roja din dîsa li pişt kamera li odeyê geriyane û çêr kirine û lê dane. Ligel rastî lêdanê hatiye jî rapor nedanê.

* Girtiyan dereng dibin revîrê. Girtiyên rewşa wan giran bi rêk û pêk nayên dermankirin û kelepçe li ser wan tê ferz kirin.

*Rêveberiya girtîgehê serdegirtinên ji nişka ve zêde kiriye. Bi zorê û keyfî ji odeyekê dişînin odeyeke din.

*Girtiyê nexweşê giran Mehmet Çelebî Çalan, li gel ku 2 meh berê bijîşk xwestiye ji bo kontrola prostatê lê hêj girtî nehatiye tedawîkirin.

* Piştî îlankirina Rewşa Awarte mafê girtiyan ên rojname, pirtûk û ragihandinê hatiye bisînorkirin û ev maf ji destê wan tê girtin. Li şûna Radyoyên pêlên kin ku ji hemû cîhanê dikişînin, radyoyên FM dane wan. Tenê dikarin qanalê medyaya Tirkiyeyê temaşe bikin. Êdî nikarin CNN û Fox Tv  jî temaşe bikin.

*Mafê girtiyên ku rastî cezayê muebbetê hatine hatiye sînorkirin.

*Mafê ziyareta vekirî ji mehekê derxistine 2 mehan. Mafê telefonan hatiye sînorkirin û tekmîlê li ser malbatan ferz dikin.

*Mafê xebatên civakî û sohbeta 10 kesan hatiye sînorkirin.

*Di bin navê lêgerînê de mehê herî kêm 3 caran li odeyan digerin û hemû alavên wan tev li hev dikin.

*Hem malbatan di cîhaza X-Ray re derbas dikin û hem jî di lêgerîna tazî re derbas dikin.

* Xwarinê di lalikên plastîk ên ne hîjyenîk de didin girtiyan.

* Girtiên mafên xwe dixwazin rastî cezayê dîsîplînê tên. Dema girtiyan dibin nexweşxaneyê kelepçeyê li ser wan ferz dikin.

* Dîsa nasnameya "Rêxistina Terorê" li ser wan ferz dikin.

*Ligel daxwazên girtiyên nexweş raporen tenduristiyê nadin wan.