Hat ragihandin ku balafirên bêmirov ên aîdî artêşa Tirk li herêma Garê bi armanca keşfê digerin. Li gel vê hat destnîşankirin ku di şerê Xoyê de ji 3 leşkerên ku hatine kuştin yek jê rayedarekî leşkerî yê şer koordîne dikir.

Li gor agahiyên Navenda Çapemeniya HPG’ê (NÇR-HPG) di navbera 30’ê Îlonê saet  23:00 û 1’ê Cotmehê saet 03:00’an de û dîsa 1’ê Cotmehê saet 07:00 û 16:00’an de balafirên bêmirov ên aîdî artêşa Tirk li ser herêma Garê ya girêdayî Herêmên Parastinê yên Medya bi armanca keşfê geriyane.

Li gel vê Navenda Çapemenî û Ragihandina HPG’ê diyar kir ku têkildarî şerê li herêmên Koselan û Xoy de daxuyaniyê dane û got, “Li wê herêmê bombardûmana obus û hewanan a pastarên rejîma Îranê heta niha didomin.”

Navenda Çapemenî û Ragihandina HPG’ê diyar kir di şerê Xoyê de ji 3 leşkerên ku hatine kuştin yek jê rayedarekî leşkerî yê şer koordîne dikir.