Li Dîlokê di operasyonên hevdemî de herî kêm 10 kes hatin binçavkirin.

Di çarçoveya operasyonên qirkirina siyasî de, polîsên tevgera taybet li taxên Guzelvadî û Beybahçe yên navçeya Dîlok Şahînbeyê avêtin ser malan. Di serdegirtinan de tevî xebatkarên rojnameyên Ozgur Gundem û Azadiya Welat Alaattîn Şen û Cûdî Taş, welatiyên bi navê Mehmet Huseyîn, Fîraz Kayran, Ûgûr Taşar, Abdullah Dayan, Enver Ozmen, Îslam Sarica, Engîn Babayîgît û Orhan Erten gelek kes hatin binçavkirin. Polîsên ku di dema serdegirtinan de deriyên malan şikandin, eşyayên li malan ji hev belav kirin. Hat ragihandin ku serdegirtin dewam dike û fikar hene hejmara binçaviyan zêde bibe.

Li ser sedema binçavkirinan agahiyek nehat bidestxistin. Li gorî agahiyan, polîsan binçavî birine Midûriyeta Emniyetê ya Dîlokê.