Li Den Haagê tecrîd hate protestokirin
Li bajarê Den Haagê yê Hollandayê tecrîda li ser Rêberê Gelê Kurd Abdullah Ocalan hate protestokirin.
Li bajarê Den Haagê yê Hollandayê tecrîda li ser Rêberê Gelê Kurd Abdullah Ocalan hate protestokirin.
Çalakiya bi kon a li pêşîya parlementoya Hollandayê ya li bajarê Den Haagê hatibû lidarxistin îro kete roja duyemîn.
Ligel barana zêde çalakgeran kon vekirin û wêneyên Rêberê Gelê Kurd Abdullah Ocalan û alayên TJK û YPG’ê hildan. Di çalakiya bi kon de têkildarî tecrîda li ser Ocalan agahdarî hate kirin û afîş hate belavkirin.
Di heman demê de gotinên bi Îngîlîzî û Hollendî di defterên biçûk de hatin belavkirin ên ku ji pirtûkên Ocalan hatibûn stendin.
Çalakî bi gerandina govendê û bi stranên şoreşgerî bi dawî bû.