Li Danîmarkayê, rêxistinên koçberan li hev kom bûn û "Platforma Demokratîk a Gelan" damezrandin.

Sazî rêxistinên bawerî û gelên Mezopotamya û Tirkiyê temsîl dikin bi daxuyaniyekê ji raya giştî re ragihandin ku ew "Platforma Demokratîk a Gelan" ava dikin.

Di daxuyaniyê de ji bo armanca platformê de hat gotin, "Li dijî xeteriya ku gelên Tirkiyê bi şer hev du qir bikin, ji bo têkûzkirina pêvajoya aştiyê, emê piştgirî û piştevaniya têkoşîna aştiyê bikin." Pêkhatiyên platformê di daxuyaniya xwe de destnîşan kirin ku jiyana bi hev re ya aştî û azadiyê ya gelan li xwedî du şertên bingehîn in û ev şert wiha rave kirin:

"Di nava huqûqa welatiya azad û wekhev de naskirina hemû mafên demokratîk ên neteweya Kurd. Ji bo ewlekirina hemû mafên çandî û etnîkî yên komên baweriyên cuda Elewî, Êzidî û Xiristiyanan, destûreke bingehîn a demokratîk were amadekirin û di vê rê de têkoşîn bê dayîn."

Platformê her wiha diyar kir ku ewê bi pirsgirêkên ahengiya civakî ya koçberên li Danîmarkayê dijîn re, mijûl bibe û çareserkirina van pirsgirêkan ji xwe re weke wezîfeyekê bibîne.

Platformê bal kişand ser hilbijartinên herêmî yên Danîmarkayê ku nêz dibin û destnîşan kir ku ji bo namzetên demokrat ên li Şaredariyan bên hilbijartin û mafên koçberan bên parastin, ewê kar bike. 

Rêxistin, sazî û komeleyên di damezrandina platformê de cih digirin wihan e:

Nazim Hikmet Kulturforening,

Odense Pir Sultan Abdal Kulturforening, OPSAK,

Sammenslutning af kurdiske foreninger i Danmark – FEYKURD [ Dansk Kurdisk Kulturcenter, Foreningen for Kurdiske Studerende og Akademikere (FOKUS- A), Kurdisk Kvinde Forening, Kurdisk Ungdom, Dansk-kurdisk Kunst og Kulturforening, Hillerød Kurdisk Kulturforening, Holstebro Venskabsforening, Kurdisk Forum, Dansk Kurdisk Arbejdsgiver Forening (DKAF)], International Mødested (Odense), Dansk-Kurdisk Hus (Odense), Kurdisk-Dansk Kulturforening(Odense) ]

Dansk Tyrkisk Samfund i Århus,

Alevi Forbundet i Danmark, DABF [Ringsted Alevi Kulturcenter, Randers Alevi Kulturcenter, Slagelse Alevi Kulturcenter, Hedensted Alevi Kulturcenter, Århus Alevi Kulturcenter, Odense Alevi Kulturcenter, Esbjerg Alevi Kulturcenter, Randers Alevi Kulturcenter, Alevi Ungdom, Alevi Kvinde Forening]