Li Danîmarkayê Newroz hate pîrozkirin
Kurdistaniyên li Danîmarkayê dijîn li paytext Kopenhagenê, bi dirûşma, 'Her der Efrîn e, her der berxwedan' Newroz pîroz kirin.
Kurdistaniyên li Danîmarkayê dijîn li paytext Kopenhagenê, bi dirûşma, 'Her der Efrîn e, her der berxwedan' Newroz pîroz kirin.
Newroz ji hêla Meclîsa Civaka Kurd a Demokratîk û Meclîsa Jinan Sêvê ve hate organîzekirin û bi deqeyekê rêzgirtinê dest pe kir.
Hevserokê Kongra-Gel Remzî Kartal û li ser navê Partiya Yekîtiya Sor-Kesk a Danîmarkayê Søren Søndergaard û Serdal Benlî axivîn.
Kartal li ser girîngiyan Newrozê axivî û got, "Berxwedaniya agirê Newrozê îro li Efrînê tê kirin û berxwedana gel li hemû eniyan didome. Hemû Kurd divê xwedî li vê berxwedanê derkevin û tevbigerin."
Søren Søndergaard û Serdar Benlî jî gotin dewleta Tirk li Efrînê sûcê mirovahiyê dike û li dijî vê divê tevger çêbibe.
Şanoya Polat Efrîn jî berxwedaniya Efrînê nîşan da. Hozan Diyar, Xelîl Xemgîn, Nevzat Tunç û Hozan Fîgen stran gotin.