Kurdistaniyên li Toronto bi armanca şermezarkirina êrîşên çeteyên DAIŞ ên li hember Kobanê û xwedîderketina li berxwedana Kobanê li ber Parlamentoya Toronto ya Kanada di çalakiya nobetê de ne. Çalakvan dixwazin dewleta Kanada ji bo Kobanê bikeve nav tevgerê.

Li bajarê Toronto yê Kanada Kurdistanî  bi armanca şermezarkirina êrîşên çeteyên DAIŞ ên li hember Kobanê û xwedîderketina li berxwedana Kobanê li ber Parlamentoya Toronto ya Kanada di çalakiya nobetê de ne. Çalakiya ji aliyê Komeleya Kurd a Toronto ve tê organîzekirin, çalakvan dixwazin dengê Kobanê bigihênin raya giştî ya Kanada û dewleta Kanada bikeve nav hewldanan.

Komeleya Kurdan a li Toronto (Toronto Kurdish Community Center) diyar kr ku wê çalakiyên wan bidomin û wiha hat gotin, “Bila dost û dijmin bizanin ku gelê me yê Kobanê ne bêxwedî ye! Em ê heta  azadiya Kobanê wê çalakiya xwe berdewam bikin, em ê bi ruh û canê xwe Kobanê biparêzin.”

Di çalakiyê de der barê rewşa Kobanê de belavok tên belavkirin û ji bo piştgiriya ji Kobanê re îmze tên komkirin.