Komkujiya Enqereyê li bajarê Orebro yê Swêd ji aliyê Kurdistaniyan ve bi xwepêşandaneke girseyî hat protestokirin.

Di çalakiya ku ji aliyê Navenda Civaka Demokratîk a Kurd a Orebro re hat organîzekirin, Kurdistaniyan devê xwe bi bandên reş girtin, meşeke bêdeng pêk anîn.

Hevseroka Navenda Civaka Demokratîk a Kurd a Orebro Zozan Baransson a daxuyanî da çapemeniya xwecihî diyar kir ku desthilatdariya AKP’ê ji bo nehêle gel biçe ser sindoqan û deng nedin HDP’ê ev komkujî pêk aniye.

Li nûçeyên medyaya xwecihî li Navenda Civaka Demokratîk a Kurd a Orebro tevahiya rojê vekiriye û taziyeyan qebûl dike.