Li Antakyayê, piştî merasîma cenaze ya Alî Îsmaîl Korkmaz, polîsan êrîşî girseyê kirin û di encamê kesek bi giranî birîndar bû.

Piştî merasîma cenazeyê Alî Îsmaîl Korkmaz ê li Eskîşehîrê di xwepêşandanên Gezî yên 2'ê Hezîranê de di encama êrîşa kesên di bin kontrola polîsan de jiyana xwe ji dest da, pevçûn derket.

Girseya gel a li qada Ûgûr Mûmcû li hev kom bû û xwest ber bi taxa Armûtlû bimeşe, li êrîşa polîsan a bi ava şid û gaza îsotê rast hat û li ser vê yekê pevçûn derket. 

Di nava êrîşkaran de tîmên taybet ên jenderme jî hebûn û girseya gel jî ji bo xwe biparêze bi kevin û molotofan bersiv da. Di encama êrîşa polîsan de bombeyek gazê li serê kesekî navê wî nehat zanîn ket û giran birîndar bû. 

Pevçûnan tevahiya şevê dewam kirin û gelek çalakger birîndar bûn, herî kêm kesek jî hat binçavkirin.