Li Îzmîr, Şirnex û Rihayê terora polîsan: Gelek kes hatin destgîrkirin
Polîsan li navçeya Serê Kaniyê ya Rihayê, li navçeya Elkê ya Şirnexê û li sê navçeyên Îzmîrê girtin ser malan û gelek kes destgîr kirin.
Polîsan li navçeya Serê Kaniyê ya Rihayê, li navçeya Elkê ya Şirnexê û li sê navçeyên Îzmîrê girtin ser malan û gelek kes destgîr kirin.
LI SERÊKANIYÊ 3 KES HATIN DESTGÎRKIRIN
Li taxa Yukari Dorûklû ya navçeya Serê Kaniyê ya Rihayê di serdegirtina malan de 3 kes hatin destgîrkirin. Di serdegirtinê de Zeynep Dagtekîn, Alî Dagtekîn ê 17 salî û kesekî ku navê wî nehat zanîn, hatin destgîrkirin. 3 kesên hinceta destgîrkirina wan nehat zanîn, piştî kontrola tenduristiyê birin Şaxa TEM’ê ya Rihayê.
LI ŞIRNEXÊ 5 KES HATIN DESTGÎRKIRIN
Li navçeya Elkê ya Şirnexê jî polîsan girtin ser gelek malan û li vê derê 5 kes destgîrkirin. Hinceta destgîrkirinê nehate diyarkirin.
LI ÎZMÎRÊ SERDEGIRTINÊN MALAN
Polîsan saet di 05.00’an de li navçeyên Bornova, Menderes û Konakê yên Îzmîrê girtin ser malan.
Di serdegirtinan de gelek kes hatin destgîrkirin. Kesên ku navên wan hatine hînbûn ev in; Salîh Aydin, Ferdî Kadan, Vahît Sayan û Mehmet Şerîf Salman.