Leşkerên Tirk li Başîka 3 sivîl qetil kirin
Li herêma Başîka ya Mûsilê, ji ber topbarana leşkerên Tirk li gundê Faziliyê 3 sivîlan jiyana xwe ji dest dan.
Ji berpirsyarên herêma Mûsilê yê YNK'ê Xeyas Sûrçî agahî da Rojnewsê û da zanîn, ku leşkerên Tirk ên li herêma Başîka ya Mûsilê, top li gundê Faziliyê yê Mûsilê barandine.
Sûrçî anî ziman, ku di encama êrîşa bi topan a leşkerên Tirk de li gundê Faziliyê yê Kurdên Şebek lê dijîn, ji malbatekê 3 sivîlan jiyana xwe ji dest dane, gelek sivîl jî birîndar bûne.
