Di operasyona ku hate îdiakirin li dijî MLKP’ê ye, Midûra Nûçeyan ya ETHA’yê Derya Okatan piştî lêgerîna 12 seetan daxuyaniyek da û got, di dema lêgerînê de bi fîîlî hatine binçavkirin, derî bi hêsinan vekirine û ketine buroyê, her wiha lêgerîna tazî li ser wan ferz kirine.

Piştî Polîsên Şaxa Tekoşîna li Dijî Terorê li buroya Ajansa Nûçeya a Etkîn (ETHA) ya li Aksarayê 12 seetan lêgerîn pêkanî, xebatkarên Ajansê daxuyaniyek dan.

Operasyona ku bidirêjahiya rojê li Stenbol, Enqere û Eskîşehîrê hate îdiakirin li dijî MLKP’ê ye, li Ajansa Guneş ya Ajansa Nûçeyan a Etkîn (ETHA) û Rojnameya Atilim amadekirî pêkhat bidawî bû. Piştî lêgerînê polîsan dest danî ser tejî 3 wesayitan meteryalên nûçeyan, ansîklopedî û pirtûkan. Dema ku polîsan dest danîn ser melzemeyan, xebatkarên ETHA’yê jî sloganên “ETHA bêdeng nebû bêdeng nabe” qîriyan.

Li ser navê Ajansê edîtora ETHA’yê Arzu Demîr daxuyanî da û got, di nav de pirtûkên Marks û Engels jî heyî, dest danîn ser hemû arşîv, dokumenterên sala borî polîsan di serdegirtinê de biribûn û piştre radest kiribûn jî birin, her wiha îmajên komputerê jî birin.

Midûra Nûçeya a ETHA’yê Derya Okatan jî diyarkir ku, ew bi fîlî binçavkirine, lêgerîna tazî li ser wan dane ferzkirin û di dema ku polîs li hundir bûn ew di odeyekî li gel 15 polîsan girtine. Okatan destnîşan kir ku, helwesta polîsan pir tund bû û bilêv kir ku, heta çûyîna tuwaletê jî di bin kontrola polîsan de bû. Okatan aşkera kir ku, ji bo vekirina derî xwe negirtin heta parêzer bên, derî bi çîlîngirê vekirin û ji bo ew jî nebin hevparê vê bê hiqûqiyê li cihê lêgerîn hate kirin ew li wir nemane. Ji ber wê çendê dibe ku polîsan ji xwe re delîl çêkiribin û diyarkir ku, heta dest danîn ser pirtûkan jî.