Ji bo kedkarên civakî yên ku li Amedê ji kar hatine derxistin çalakiya rûniştinê hate lidarxistin. Di çalakiyê de peyama hate dayin ku wê li dijî polîtîkayên AKP’ê li ber xwe bidin û hate gotin her diçe AKP dihele.
Endamên KESK’ê yên ku hatin îxrackirin bi mebesta protestoya îxrackirinan li Sendîkaya Kedkarên Buroyê (BES) çalakiya rûniştinê pêk anîn.
Di çalakiyê de tim dirûşmên wekî ‘’Bi berxwedanê em ê bi ser bikevin’’, ‘’Kurdistan wê ji faşîzmê re bibe goristan’’ hatin berzkirin. Serokê Şaxa TUM BEL-SEN’ê Mûhsîn Yanik di çalakiyê de got li bajêr 440 kes kedkar ji kar hatine kirin û gavên hikûmetê dirî aqil û mêntiq in.
‘EV ROJ JÎ WÊ LI PAŞ BIMÎNIN’
Yanik diyar kir ku 20 hevalên wan ên hatine îxrackirin li girtîgehê ne û bi berdewamî got: ‘’LiTirkiyê li ser kedkaran, akademîsyenan, nûçegihanan lêpirsîn têne vekirin, ji kar têne dûrxistin û wan dixin girtîgehan. Me got ev tişt ne çareserî ne û em ê dîsa bibêjin. Împaratoriya ku bi Rewşa Awarte re ava kirine demdemî ye. Gel beriya niha di 12’ê Îlonê de jî li ber xwe da û bermahiyên wê hişmendiyê ji holê rakir. Ev roj jî wê li paş bimînin.’’ Yanik diyar kir ku AKP ji hêla siyasî ve dihele û diyar kir ku ew ê li dijî polîtîkayên tundiyê li ber xwe bidin û radestî çanda teslîmyetê nabin ku li ser wan tê ferzkirin.
