HDP’ê nerazîbûn nîşanî komkujiyên çeteyên El Nusra yên li dijî Erebên Elewî li Sûriyeyê pêk anîn, da û bang li hikûmeta AKP’ê kir ku li dijî hemû avakirinên ku Îslamê îstîsmar dikin û mirovahiyê dikin bin lingan, bibe xwedî helwest û di polîtîkayên Sûriyeyê de tiştên pêwîst bike.

Desteya Rêveber a Navenda HDP’ê bertek nîşanî komkujiya li gundê Îştebrak a li hember Erebên Elewî  yê girêdayî Îdlîbê da.
HDP’ê da zanîn ku çeteyan 35 sivîl qeti lkirine û got: “Mirovahî wê hikûmeta AKP’ê jî di nav de, hemû berpirsên van bûyeran û destekvanên bûyerên li Sûriyeyê dertên holê, ji bîr neke. Hêzên ku li Rojava, Kobanê û Iraqê êrîşên çeteyên DAIŞ’ê vala derxistin wê van êrîşên li dijî gel û baweriyên cuda bê bersiv nehêle.

Em ê destûrê nedin globalbûna li ser esasê mezhebî ya gelên Tirkiyeyê. Em ê vê globalbûn û lîstika bi aloz a hikûmetê wek çareya dawî serî lê daye, xera bikin.”

HDP’ê  êrîşa li dijî protestoya komkujiyê ya li Hatayê jî şermezar kir û got: “Em bang li hikûmeta AKP’ê dikin ku li dijî hemû avakirinên ku Îslamê îstîsmar dikin û mirovahiyê dikin bin lingan, bibe xwedî helwest û di polîtîkayên Sûriyeyê de tiştên pêwîst bike.

Nirxên mirovahiyê wê ji heqê van lêgerîn û pêkanînên dijmirovan derkevin. Ev kariyerên siyasî wê bi dawî bin û hesabê tiştên ku kirin wê bidin.”