Pisporên Rûsiyayê, hin dewletên Ewropa û  pisporên Sûriyê ji bo tunekirina çekên kîmyawî yên Sûriyê civiyan.

Pisporan diyar kirin ku çekên kîmyawî heta niha ji ber şert û mercên ewlehiyê tên ragirtin, lewra nehatine veguhestin.

Tê payîn ku çekên kîmyewî ji Beravgeha Laziqiyê bi 2 gemiyên bar werin veguhastin piştre bi gemiyên leşkerî yên Danîmarkê û Narwêcê veguhêzin Beravgeheke Îtalî, ji vir dê ji bo gemiyên Emrîkî werin barkirin û di deryaya navnetewî de werin tunekirin. Rûsiya û Çîn jî diyar kirin ku ji bo misogerkirina tunekirina çekan amade ne.

Beriya niha Rûsiya ragihand ku, ew ji bo alîkariya veguhastina çekên kîmyawî ya peravgeha Laziqiyê amade ye û kamyonên barkirinê şandine Sûriyê.