Sibê (25'ê Kanûnê) li Dadgeha Çaglayan a Stenbolê doza Seroka Giştî ya Partiya Sosyalîst a Bindestan (ESP) Çîçek Otlû pêk tê. Beriya dozê li avahiya ESP'ê ya Enqereyê daxuyaniya çapemeniyê hate dayîn.

Rêveber û Hevserokên HDP'ê û Partiya Şoreşger ên bajêr beşdarî daxuyaniya çapemeniyê bûn û piştgirî dan. Di daxuyaniya çapemeniyê de Parlamenterê HDP'ê yê Îzmîrê Mûrat Çepnî axivî û got, "Bi hincet û delîlên derew û bi awayekî bêhiqûqî ev nêzî du sal in Seroka ESP'ê Çîçek Otlû rehîn tê girtin. Polîtîkayên rehîn girtinê yên demên dawî û pêvajoya Rewşa Awarte yên li dijî hevserokên me û ji pêkhateyên wê li dijî Çîçek Otlû jî pêk tê. Em bang li her kesî dikin ku sibê bi girseyî beşdarî doza Seroka ESP'ê bibin."