Hejmara qurbaniyên li Tirkiyeyê bû 4 kes
Wezîrê Tenduristiyê yê Tirk Koca ragihand, hejmara mirovên ji ber vîrûsa korona ya nû jiyana xwe ji dest dan bû 4 kes.
Koca got, "Ji nava 1981 testên di nava 24 saetên dawî de hatin kirin 161 jê pozîtîf in."
Koca li ser twîtterê daxuyaniyek weşand û diyar kir, "Bi 191 nexweşan hejmara nexweşên me yên bi vîrûsê gihîşt 359 kesî. Mixabin heta niha 4 qurbanî hene. Êşa me giran kir, lê em ê bi ser bikevin."
Beriya niha hatibû ragihandin ku hejmara nexweşan 191 kes e. Li Tirkiyeyê nexweşê destpêkê di 10'ê Adarê de hatibû ragihandin. Piştre jî hejmara qurbaniyan qat bi qat zêde bû.
