HDP’ê têkildarî êrîşa li hember navenda giştî bi gotina, "Kesên wer difikirin ku wê bi provokasyonên wiha me rawestînin, wê xapandina xwe bibînin” hikûmet hişyar kir.

Desteya Rêveber a Navendî ya HDP’ê, têkildarî êrîşa çekdarî ya li hember avahiya navendî ya giştî daxuyaniyeke nivîskî weşand.

Di daxuyaniyê de ev xisûs hatin diyarkirin: "Em ê serî ji vê zîhniyeta xwe winda kiriye re daneynin. Em ê destûr nedin xwediyên vê zîhniyeta dilê mirov bi wan dişewite, pêşeroja gelan tarî bikin”

JI HIKÛMETÊ RE HIŞYARÎ

HDP’ê got, "Em ê wek HDP’ê têkoşîna xwe ya wekhevî, azadî, demokrasî, aştî û edaletê, li hember dijminên çavsor ên van nirxan li tevayî qadan bi biryar dewam bikin. Em ê di hilbijartinên Hezîrana 2015’an de bibe ewlehiya aştî û edaleta civakê. Kesên wer difikirin ku wê bi provokasyonên wiha me rawestînin, wê xapandina xwe bibînin.”

HDP’ê der barê pêkanîna ewlekariya hilbijartinan de hikûmet hişyar kir û diyar kir ku li bendê ne fail bên girtin.