Alîkarê Hevserokên Giştî û Berpirsê Koordînasyona Hiqûq û Mafê Mirovan HDP’ê Umît Dede bi daxuyaniyekê got: “Hûn nikarin lêgerîna edaletê ya parêzeran bi zextê û zorê bidin astengkirin.”

Dede bal kişand ser operasyonên qirkirina siyasî ya li ser hevşaredar û parêzeran û destnîşan kir ku desthilata AKP-MHP’ê ji bo beşên muxalîf bêdeng bikin bi hincetên ‘agahiyên şahidên veşartî’ dest bi destgîrkirinê dikin.

Dede anî ziman ku desthilata heyî hebûna parêzerên azadîxwaz weke tehdîd dibînin, dest bi êrîşên ku dijî mafê hiqûqê û parastina mafê mirovan dike. Dede diyar kir ku parêzerên Kurd û muxalîf û li ser parlemeteran dixwazin krîmînalîze bikin, destgîr dikin û digirin.

Dede bibîr xist ku wê parêzerên azadîxwaz devji parastina edaletê bernade û bernadin jî. Hûn nikarin lêgerîna edaletê ya parêzeran bi zextê û zorê bidin astengkirin.

Dede da xuyakirin ku divê ev êrîşên li dijî mafê parastinê bên rawestandin, divê demildest hevalên wan ên hatine destgîrkirin bên berdan.