Federasyona Komeleyên Êzidiyan (FKÊ) aşkere kir ku ew ê roja 25’ê berfanbarê kongreya xwe ya 8’emîn a asayî li dar bixin. Federasyonê banga tevlîbûna kongreyê kir.

FKÊ bi daxuyaniyekê aşkere kir ku ew ê di çarçoveya biryarên federasyonê de ku divê her du sal carekê kongreya xwe li dar bixin, dê 8’emîn kongreya xwe li Mala Êzîdiyan a li bajarê Celle ya Almanyayê li dar bixin.

FKÊ got: “Li gorî dêstûra FKÊ (Federasyona Komelên Êzdiyan) pêwiste ji 2 salan carekê Kongra me pêk were. Her weha, em di pêvajoyeke gelekî giring de derbas dibin. Pirsgirêkê civaka me ҫiqas diҫe zêde dibin. Ji bo ҫareseriya pirsgirêkê heyi û bersivdana pêwistiyê demê, hewcebûn bi nûjeniyê û rêveberiyeke xurt heye.”

Federasyona Komelên Êzdiyan di berdewama daxuyaniya xwe de diyar kir ku li ser vî esasî ji bo nirxandina kar û xebata 2 salên dawî û hilbijartineke demokratîk pêk were û got: “Em hemû endamên hêja, Êzdiyên bi rûmet, kesên bawermend, kesên demokrat, rewṣenbir, nunerên saziyan û dostên civaka Ezdiya bi berpirsiyariyeke mezin vexwendî Kongra xwe ya di 25-26.12.012 pêk were dikin, Em bi kêfxweṣi li benda we ne..

Rojeva kongreyê wiha ye: “

1,-Vekirin

2,- Hilbijartina Dîwanê

3,- Peyamê Mêvana n

4,- Rewşa Civakî û Siyasî

5,- Xwendina Rapora Kar û Xebatê û ya Darayi

6,- Pêşniyar-Biryar ji bo 2 Salan

7,- Hilbijartin

8,- Dawî

Dem : 25-26.12.2012

Seat : 10.00

Cih: Mala Êzdiya Celle

An der Koppel 21,

29227 Celle