Balafirên şer ên Tirk duh bi şev qada Gundê Filleha a girêdayî Zapê, saet di navbera 01.30 - 02.30’î de jî gundê Yekmalê yê girêdayî Metîna bombe kirin. Di encama bomberdûmanê de xaniyên gelê herêmê zerar dîtin.

Navenda Çapemenî û Ragihandinê ya HPG’ê daxuyaniyeke nivîskî weşand û got ku, balafirên şer ên artêşa Tirk qadên girêdayî Metîna bombe kirine.

Navendê têkildarî êrîşên artêşa Tirk ên li hember herêmên gerîla ev agahî parve kir: “10’ê Cotmehê saet 16.00’an qada Bînbîr a girêdayî navçeya Gever a Colemêrgê, 11’ê Cotmehê saet di navbera 00.00 - 00.30’î de balafirên şer ên artêşa Tirk qada gundê Filleha a girêdayî herêma Zapê, saet di navbera 01.30 - 02.30’î de gundê Yekmalê yê girêdayî herêma Metîna bomberdûman kirine. Di encama bomberdûmanê de malên gelê herêmê zerar dîtine.

10’ê Cotmehê saet di navbera 12.00 - 17.30’î de qereqola Oremar a li ser xeta sînorê herêma Avaşîn; qada şehîd Bager, saet di navbera 16.40 - 17.30’î de qereqola Mamreş karakolu; qada Mergê, 11’ê Cotmehê saet di navbera 01.30 - 02.30’î de ji girê girêdayî Oremar; qada Şehîd Gafûr bi obus, hawan û tankan bombe kiriye.

10 – 11’ê Cotmehê saet di navbera 22.00 - 02.00’an de qereqola Tepê Yekmal ê li ser xeta sînorê herêma Heftanîn; qada Bektorya bi obus û hawanan bombe kiriye.

10’ê Cotmehê di navbera 20.00 - 20.30’î û saet 22.00 - 00.00 de qereqolên Arûş û Serbesta; girê Kuroşîno û qûntarên wê saet di navbera 22.30-23.00’an de, qereqola Elemûn a li ser xeta sînorê herêma Metîna qada Zendûra bi obus û hawanan bombe kiriye.

10’ê Cotmehê saet di navbera 20.00 - 22.00’an de qereqola Bîlîcan a li ser xeta sînorê herêma Zapê; qadên li derdora xwe rasterast bi çekên giran gulebaran kiriye.

10’ê Cotmehê saet di navbera  09.30 - 14.00 û 17.30 - 20.30 herêma Garê, saet  di navbera 14.00 - 17.00’an de herêma Qendîl, saet di navbera 14.00 - 17.00 û saet 20.00 û 11’ê Cotmehê saet 05.00 herêma Avaşîn, di navbera 10’ê Cotmehê saet 07.30 - 09.30 û saet 22.00 û 11’ê Cotmehê saet 04.00’an herêma Heftanîn, 11’ê Cotmehê saet di navbera 00.00 - 02.00’an de li ser herêma Metîna pêgerên hewayî yên bêmirov keşf pêk anîne.

Di navbera 10’ê Cotmehê saet 08.00 - 16.00 û saet 21.30 û 11’ê Cotmehê saet 04.30 de li herêma Zapê, di navbera 10’ê Cotmehê saet 22.00 û 11’ê Cotmehê 02.00’an de li herêma Heftanîn, dîsa heman saetan li ser herêma Metîna tevgera balafirên şer rû daye.”