Rûniştina doza Komkujiya Somayê dewam dike. Di rûniştina ku 8 jê girtî 45 kes lê tên darizandin de, bersûc parastina xwe dikin.

Doza li ser Komkujiya Somayê ku ji ber negirtina tedbîrên ewlekariya kar û tenduristiya karkeran 301 karker mirin, li Dadgeha Cezayê Giran a Akhîsanê dewam dike.

DORPÊÇIYA POLÎSAN

Navenda Çandê ya Bulent Cîgeroglû ku ji bo rûniştina dozê hatiye rêkûpêkkirin, ji aliyê polîsan ve hatiye dorpêçkirin. Tevî malbatên welatiyên jiyana xwe ji dest dan, bi sedan welatî, rêxistinên civakî yên sivîl, partiyên siyasî, parêzer û endamên çapemeniyê dişopînin.

Di rûniştina ku 8 jê girtî 45 kes tên darizandin de, bersûc vê gavê parastina xwe dikin.