Darizandina parêzerên Kurd ku ji ber parêzertiya Rêberê Gelê Kurd Abdullah Ocalan kiribûn sala 2011’an der heqê wan de doz hatibû vekirin, îro li 19. Dadgeha Cezayê Giran a Stenbolê dewam kir.

Parêzer Îbrahîm Bîlmez, Faîk Ozgur Erol, Emran Emekçî, Mehmet Sanî Kizilkaya, Asya Ulker, Mûstafa Eraslar û Umît Sîslîgun tevlî rûniştinê bûn, her wiha gelek parêzer jî ji bo parastinê amade bûn.

Her wiha ji bo desteka parêzerên tên darizanin, parêzerên ji Îtalya û Fransa hatî jî doz şopandin.

Di çarçoveya dozê de parêzer Faîk Ozgur Erol operasyonên KCK’ê yên ku kadroyên cemaatê kirî anî ziman û got; “Hakim, dozger û midûrê emniyetê yên li vê dozê îmzeyên wan hebûn hatin girtin, ji wezîfeyê hatin dûrxistin.” Parêzer Erol ji ber ku wezîfedarên lêpirsîn û lêkolîn dane destpêkirin bi rêxistina Fethûllah Gulen re têkîldar in, diyar kir ku divê doz betal bibe.

Rûniştina dozê taloqî 9’ê Adarê bû.