Epîskopê Dêra Ortodoks yê Rojhilata Navîn diyar kir ku, ji despêkirina şerê li Sûriyê heya niha nîv milyon Xiristiyan penaber bûne û nêzî 60 kilîse jî hatine roxandin.

Epîskopê Dêra Ortadoksê ya Sûriye Mar Siluan Petr el-Nemeh, di serdana xwe ya bi 6 nûnerên Xiristiyan re ya ji bo Rusya de ev daxuyaniyê anî ziman.

Di civîna li Moskowayê de Epîskop El- Nemeh diyar kir ku, ji bo parastina Dêrê û mafê Xiristiyanan li Sûriyê, ew dixwazin bejdarî civîna Cenevre ya 2’emîn de bikin û wiha got: “ Em wekî Xiristiyanên li Sûriyê, dixwazin beşdarî di komcivîna Cenevre ya 2’emînbikin. Em jî dixwazin nêrîn û pêşniyarên xwe bînin ziman, em naxwazin wekî konferansên heya niha hatine li darxistin bimînin ji derve.”

El- Nemeh, “em wekî Xiristiyanên livî welatî ji bo 60 kilîseyên ku hatine ruxandin û penaberbûna nîv milyon Xiristiyan ji Suriye emê daxwazên xwe bînin ziman û em hêvî dikin ku ev kesên penaber bûne vegerin ser axa xwe.”

Herwiha Epîskop El- Nemeh got: “ Sûriye welatê me yê hevbeşe, em naxwazin welatê xwe terk bikin. Em naxwazin wekî li Îraq Misir û Lubananê ku ji ber sedemên şerê navxweyî 1 milyon û nîv Xiristiyan koçber bûne, li Suriye jî heman awayî naxwazîn jiyan bikîn.”