Wezîrên Karên Derve yên dewletên Komkara Ereban biryar girtin ku, kursiya Sûriyeyê ji rejîma Baas bigirin û bidin Koalîsyona Netewî ya Muxalifan û Hêzên Şoreşger a Sûriyeyê.

Wezîrên karên derve yên Komkara Ereban li paytexta Qatarê Dewhayê civiyan. Di civînê biryar hat girtin êdî li ser navê Sûriyeyê rejîma Baas na, Koalîsyona Netewî ya Muxalifan û Hêzên Şoreşger a Sûriyeyê wekî nûner tevlî komkarê bibe. 

Serokwezîrê Qatarê Şêx Mehemed Bin Ceber Alsanî di civînê de axivî û diyar kir ku, wan wekî nûnerê Sûriyeyê kolasîyon qebûl kiriye.

Koalîsyona Niştîmanî û Hêzên Şoreşger a Sûriyeyê, di 19’ê Adarê de li bajarê Stenbolê yê Tirkiyeyê civînek li dar xistibû û di encamê de hem hikûmeta demborî ava kiribû hem jî Xesan Hîtto ku nêzî Amerîkayê ye, wekî serokê hikûmetê hilbijartibû.

Di civînê de biryar hatibû girtin ku, 8-9 wezaret bêne avakirin û li cihek bi ewle ya Sûriyeyê ku di bin kontrola muxalifan de ye kar bikin. Her wiha hatibû gotin ku, hedefa hikûmetê ew e ku destpêkê kursiya Sûriyeyê ya di nava Komkara Ereban de, piştre jî kursiya li Neteweyên Yekbûyî bidest bixin û bi vî rengî rewabûna rejîma Sûriyeyê bixin.