Parlamentera HDP’ê ya Amedê ya berê Çaglar Demîrel bi rêya parêzerên xwe peyamek şand. Demîrel ragihand ji bo piştgiriya çalakiya greva birçîbûnê ya Hevseroka KCD’ê û Parlamentera HDP’ê ya Colemêrgê Leyla Guven a li dijî tecrîdkirina Rêberê Gelê Kurd Abdullah Ocalan wan tevî 15 hevalên xwe yê siyasetmedar dest bi greva birçîbûnê kirine.

Demîrel û hevalên xwe yên dest bi çalakiya greva birçîbûnê kirine, li Girtîgeha Ewlehiya Bilind a Tîpa F a Kocaeliyê tên ragirtin.

Demîrel di peyama xwe de ev tişt got: “Ji bo piştgiriya hevala me Leyla Guven ji îro û pê ve min û 15 hevalê xwe yê siyasetmedar re dest bi çalakiya greva birçîbûnê ya 10 rojan kir. Daxwaza Leyla Guven daxwaza bi milyonan kesan e. Divê demildest dawî li tecrîd û îzolasyonê bê anîn. Em bang li hemû hêzên demokrasiyê dikin ku li dijî sûcê mirovahiyê serî rakin û têkoşîna demokratîk mezin bikin. Pêwîst e her kesek bibe Leylayek û bi vê hişmendiyê tevbigere.”