Kurdistanî û dostên wan ên li paytexta Fransa Parisê dijîn, ji bo êrîşên dewleta Tirk ên li ser Efrînê şermezar bikin, bûlwara Champs Elysee ya Parisê li trafîkê girtin û çalakiya bê îteatiya sivîl kirin.

Kurdistaniyên ku tevî dostên xwe danê êvarê li ber Qesra Elysee li hev civiyan, sê saetan dirûşmên "Efrîn bi tenê nîne", "Ewropa destekê dide Erdogan ê kujer" qîriyan.

Girseya gel piştre li bûlwara herî mezin a Parisê li bûlwara Champs Elysee çalakiya rûniştinê kirin û çalakiya bê îteatiya sivîl pêk anîn.

Endmaê Ciwanên Azad li vir axivî û ji bo berxwedana Efrînê banga xwedîderketinê kir.